الحاج محمد ترامب

338

فى سبعينات القرن الماضى كتب ابو النجوم كلمتين و غنى الشيخ امام

شرفت يا نيكسون بابا يا بتاع الوتر جيت

عملولك قيمة و سيما سلاطين الفول و الزيت

فرشولك اجمل سكة من راس التين على مكة

و يقولوا عليك حجيت ههههه

لم يكن يتخيل السامعين و الشايفين انى قصيدة نجم الفانتازيا تتحول لحقيقة

بس بعد 40 سنة

بس نيكسون بقى الحاج ترامب

او محمد ترامب طلب الحاج محمد من امراء و ملوك و خدام بيت الله الحرام زيارة البيت و طلب منهم يجيبوا له يشهد على العمرة المقبولة ملوك و رؤساء و سلاطين الدول الاسلامية السنية الشيعة لأ

بس فى رئيس سنى واحد محضرش رئيس شمال السودان عمر البشير لانه بعت ما اتبعت له الدعوى الشيخ ترامب قالهم الراجل عليه حكم مينفعش اعمل عمرة معه فبعت له اصحاب البيت انه لا يجوز انه يعمل عمرة علشان الشيح ترامب مش حيقدر يصلى به.

المهم استقبل خادم الحرمين و الامراء و الملوك الشيخ محمد و معاه مراته و بنته ستات و مش محجبات

سلموا عليهم و قعدوا معهم و ضحكوا و شربوا قهوة و مكانش حرام يعنى صوت مرات الشيخ ترامب و بنته مش حرام و صوتها مش عورة و شعرها المكشوف مش عورة و قاعدتها مع رجالة محضرهاش الشيطان سبحان الله و ده بفتاوى من الناس الى بتصرخ و بتطلب من الستات هناك متسوقش و على منابر الجوامع انها سبب البلاء و لعن الله قوم وليت النساء عليهم و انى الستات دول سبب البلاء بس فى الاخر علشان الشيخ ترامب كله حلال

و نفس الناس دى و شيوخها الى بتطلب من المواطنين الى فى بلادهم تدفع الجزية و متعيدش على المواطنين الى عندهم فى اعيادهم و بتحرم اى دور عبادة لاى طائفة او ديانة او مذهب غير السنة كانت مبسوطة جدا من انى ترامب و الى معه عندهم و كلت معهم من طبقهم و شربت معهم قهوتهم و كان على قلبهم زى العسل و بليل مفيش و لا برنامج من بتوع اسال شيخك حد سأله عن جواز الاختلاط بالكفار و لا نسلم عليهم و ناكل فى طبقهم و لا لأ

  و فى نفس ذات الوقت الناس دى نفسها الى فى نفس محطتها و فضائيتها اسرت الاسطول و اكتشفت الجريمة قبل و قوعها و تقسيم المقسم و تجزئة المجزء و خرايط الامريكان الى مش عايزين لمسلمين و العرب خير و الى منعين ناس من السفر و حابسين ناس علشان عملاء لهم و ثوراتهم هما الو عملوها و لا حد فيهم فتح بقهم و بقيت امريكا كيوت و حلوة

                        و اخر المتمة كمان الراجل باع سلاح لبلد اخر مرة حاربت فيها جابوا جيوش العالم كلها تحرر اراضيهم بفلوس تكفى تأكل و تشرب المنطقة كلها 100 سنة متأخر و مقدم من غير ما تحتاج حد يحارب حد

و عليها كمان شوية مكن و الالات و ادوات محدش حيعمل بها حاجة بس حيستفيد بها مستقبلا ولاد الحاج عب غفور البرعى

دام عليكم الصحة و العافية و الف شكر على مجهودكم فى القضاء على المؤامرة


تسجيل الايميل

شارك وفكر معانا وابعت تدوينتك