ماهينور و "خرم" وأشياء أخرى !!

977

فقدنا الأمل في العدل والعدالة وفقدنا الأمل في خصومة شريفة مع السلطة ، وفقدنا الأمل في أن الدولة تبطل إجرامها الممنهج ضد معارضيها سو اء كانوا محسوبين على تيار الإسلام السياسي أو إي تيار سياسي آخر ...

حلو كده !! 

ومن كتر العبث المحيط كنا خلاص بنتعامل مع الواقع على أنه هو العبث ذاتة .

بس توصل لمحكمة جنح بتنظر قضية عادية جدا حضور المتهم اصلا مش وجوبي فيها ، ولجل أن المتهم محامي وقرر يحضر الجلسة من باب أنه محامي ، عادي يعني عيب تكون قضيتة وما يحضرش ، تقوم المحكمة مقرره حجز القضية للحكم بعد شهر ونص ، ومقرره حبس المتهم احتياطيا في جنحه !! 

طيب تخيل كده ان المتهم ما كنش موجود !!

المحكمة الموقرة كانت حتعمل له ضبط وإحضار ??

عن ماهيتور المصري أتحدث ....

ماهينور كان عندها جلسة في جنحة تظاهر وكونها محامية وفاهمة أن الحبس الاحتياطي مستحيل في حالة القضية ديه ، فقررت تحضر الجلسة وعلشان احنا بتحكمنا سلطة فاشية منتقمة فالقاضي جاله تعليمات أنه يحبس ماهينور ، قام حجز القضية للحكم ، وقرر حبس المتهمين الحاضرين الجلسة !! 

مافيش فُجر في الخصومة كده الصراحه 

ومش قادر افهم أو استوعب إزاي قاضي يقبل على نفسة أنه يخدم السلطة والحاكم بالشكل المنحط ده الصراحه !! 

ومش بس العبث والمهزلة اللي عايشنها وقفوا عند الواقعة الغريبة ديه اليومين دول !! 

لأ ، هناك المزيد يا سادة 

"اسلام الرفاعي ... "خُورم

مدون مصري ، هلاس ، بمعنى الكلمة يعني 

راجل قرر إنه مش حيشغل باله بأي حاجه بتحصل أو هتحصل ، وأنه مش حيتكلم في السياسة ، وحساباتة الإلكترونية على تويتر وفيسبوك ومدونتة حيكونوا للهزاز وبس .

"وزي ما هو كاتب على صفحاته "أنا جاي أهزر"

بس هو مقرر يهزر ، مقرر ما يشغلش باله بأي حاجه ممكن تعكر عليه حياتة ، شاب ريفي مثقف قرر يشتغل ويحقق نفسة ، ويهزر ويضحك مع اصحابة ، ويحاول ينبسط ، وبس .

تفاجئت زي كل الناس أنه مختفي من يوم الخميس اللي فات ، وأصحابه واهله بيدوروا عليه 

ما جاش في بالي ابدا ابدا أنه ممكن يكون مقبوض عليه ، تخيلت كل شئ الا انه يتقبض عليه 

وفجأة امبارح الصبح محامي تصادف وجودة في نيابة أمن الدولة ، بلغ الناس أن اسلام اتحقق،معاه في نيابة أمن الدولة ، واتحبس 15 يوم على ذمة تحقيقات انضمامة لجماعة محظورة وهي الإخوان المسلمين ، طبعا انا ما معنديش تعليق اقوله لأن فعلا ما فيش،كلام يتقال !! 

إزاي وليه ?? 

مالهمش أي ايحابة في ظل حكم سلطة فاشية مسعورة عشوائية الاداء 

مش قادرة تميز حتى 

ما بين مين اللي مفروض تتعقبة وتقمعة ومين لأ .


تسجيل الايميل

شارك وفكر معانا وابعت تدوينتك