الثالثة شمال

294

كبورسعيدي اقدر اوضحلك اسباب انتشار فيديوهات احتفالات مصريين بعد هزيمه الاهلي من الترجي ٣-٠

احتفال البورسعيدية ده تحديدا ردا علي احتفالية الاهلي بهزيمة المصري في قبل نهائي الكونفدراليه الافريقيه من شهر 


الموضوع مش تعصب اطلاقا والدليل ان لو اي نادي مصري خسر النهائي مش هنشوف الافعال دي.. يعني محدش هيعمل حفله لو الاتحاد السكندري او المحله او حتى حرس الحدود خسرو ماتش دولي مهم .. ردود الفعل دي ردا علي منظومه رياضيه غير عادله تميل للاهلي بالحق وبالباطل ومسخرة موارد الدوله الماليه والاعلاميه والتنفيذية وحتى التشريعية لدعم لون واحد فقط .. فطبيعي الكل يشعر بالظلم ويكون بداخله كل مشاعر الرفض لما هو ظالم فبتطلع الحاجات دي تلقائيه 😄😁


طيب ازاي هو فريق بيكسب بالحكام واعضاؤه بيديرو اتحاد الكورة ومؤسسات الدوله بتقوم برعايته سواء الاهرام للاعلان او بريزنتيشن ويكون في نفس الوقت عنده الجماهيرية الكبيرة دي؟

الاجابه كانت في رد فعل الاهلاوية علي فوزهم الغير مستحق في 

مباراة الذهاب لما قالو ايوا احنا بنحب الحرام وايوا الفرقة الي مفيهاش صايع حقها ضايع وكل غضبهم ان فيه مخرج سرب لقطة تقطيع وليد ازارو للتيشرت لكن معندهمش مشكلة في الفعل نفسه 

الاهلاوية الي تقبلو تركي ال شيخ وقالو عليه المحب 

وفي نفس الوقت هتفوله طال عمره

الي قبلو فلوسه وساعاته وبعد ما عمل نادي لوحده بقي جاي يخرب الكورة المصرية

نفس الجمهور ابو عين مايله وليها هوي هو ده الي بيشجع الاهلي وهما دول الي بيشجعو فرقتهم علشان بتكسب وبتديهم احساس  زائف بالسعادة والنجاح والانتصار هما مفتقدينه في الحياه عموما في حين ان الاهلاوي متعايش مع منظومة منعدمه من الخدمات الاساسيه والسياسيه والاقتصاديه وبيعاني من فشل حياتي شامل زيه زي اي مصري لكن نفسيته بتهدأ وادرينالينه بيتظبط فقط لما الاهلي يكسب بالحرام


 ويتشنج وتنتفخ اوداجه لو جبتله سيرة عبده البقال او ناقشته في ازاي اخدو نادي القرن ب ٧ بطولات والزمالك ليه ٩ بطولات 

ويبدئ الهزيان وترتكز ردوده في ان الزمالك عنده مرتضي منصور الي الزمالكويه كارهينه اكتر من اي حد تاني ومفروض علي مصر كلها بالقوة 

مفيش تفسير ان كل محافظات مصر وكل مشجعيين الكورة بيفرحو لاي خسارة تنال فريق ظالم ومستفيد من قواعد غير عادلة مفيهاش شفافية

في بقي زملكويه بيحاولو بصعوبه يتجاوزو كل ده في ماتشات الاهلي الدوليه والكبرى وانا بحاول اكون منهم لكن اكيد دول مش كتير والامر فعلا مبيكونش سهل 

يعني الاهلي لو كان كسب امبارح فانه "الفضل" و اما خسر فانه "العدل"

طيب نخرج من كل الخلل ده ازاي؟

الاحابة ان الدوله تساوي في الفرص بين كل الاندية 

وهل ده متاح؟ 

لا مش متاح بالطريقه المباشرة

اذن ايه الحل؟

الحل في خصخصه الاندية ورفع ايد الدوله عن هذه الاندية وتتحول الي مشروعات استثمارية يديرها شركات رياضيه كبرى زي الدوريات الاوروبيه الكبرى 

وكل فريق يجيب ملاكه ومستثمريه ويشتري لاعيبته دون تدخل من الدوله بتاتا

ساعتها هنلاقي رياضه متكافئه وكره اجمل 

احنا اتأخرنا اوي في الخطوة دي ولازم نبدء فيها بسرعه

  هذا وبالله التوفيق

تسجيل الايميل

شارك وفكر معانا وابعت تدوينتك