قرار الانتحار

524

انا رأيي فى قرار الانتحار انه قرار صعب جداً اللى بيقدم عليه شخصية قوية وشجاعة قدرت تتخلص من عبئ روحها واعباء الحياة عموماً

سبب انتشاره بسبب تراكمات كتير سيئة فى المجتمع وغالبا المنتحر بيبقى شخص مداركه واسعة وحساس فى نفس الوقت مش شرط يكون مكتئب وارد جداً انه يكون شخص ءكى جدا بس قرر يتخلص من اعباء الحياة اللى بدون فائدة وطبعا كتير اقدمو عالخطوة دى بسبب الاكتئاب ودا ليه اسباب كتير اولها النشئة الأسرية الظروف المعيشية سواء مادية أو عاطفية ظروف البلد و الاوضاع وان المستقبل مظلم ممكن اسباب مرضية أخرى 

طرق المواجهة للأسف بالتوعية والتوعية هنا مش للمرضى لا التوعية تكون للمحطين بالمرضى لأن هما غالبا السبب فى المرض طبعاً مطلوب من الدولة انها تهتم بالطب النفسي وتدعمه وكمان دور الاخصائي النفسي فى المدارس لازم يكون دور فعال انا على ما اتذكر ان فى أخصائية نفسية كانت عندى فى ثانوى كانت بتتنمر عليا فى وقت من الاوقات وليها معايا موقف سبب فى زيادة اكتئابى برضو دور المعلم فى المدارس وارد جداً يكون معلم مريض نفسي او غير سوى ويتسبب فى امراض نفسية لطلابه بيئة المدرسة مهمة جدآ فى التكوين النفسي زى البيئة الاسرية

دور الاهل والاصدقاء من الأدوار المهمة وزى ما قلت التوعية لازم تتم ليهم انهم ازاى يتعاملو مع المقدم عالانتحار ودا من اهم الادوار ومش شايفة أى طريقة غير بالتوعية من الدولة يعنى ممكن تقديم عمل فنى ويكون فى اساليب التعامل دور الفن مهم وانا استفدت من عمل زى تحت السيطرة ازاى اتعامل مع مدمن

تسجيل الايميل

شارك وفكر معانا وابعت تدوينتك