بمناسبة فريدة ونموذج الست المختلفة

313


في مجتمعنا علي مر العصور ومختلف الثقافات دايما نموذج روقة هو نموذج الست الي بيحلم بيها كل راجل بس محدش فيهم عرف انه سي كمال انكرها لما ماتت رغم كل الحب والتضحية الي قدامهم 

 

المسلسل رسخ لفكرة ازاي الراجل ( او زي ماهم قالوا تقرييا كل رجالة المسلسل ياحرام  ) كانوا رهن اشارة من فريدة رغم يقينهم انها مش  نموذج روقة 

بالنص عمر قالها وقت الخناق كنت عارف انك .... بس حبيتك وقولت يمكن اعرف اغيرك 

جمال قالها انه بيضحي بمراته الي عاشت معاه واستحملته بس تفضل جنبه ومتبعدش عنه

باقي النماذج كلها متعلقين بيها تعلق مرضي وكأنها بتشدهم دون إرادة منهم 

نموذج جاذب الرجالة شكلا ومضمونا....ست حلوة وشيك وذكية وعندها طموح 

علي العكس من نور البنت الجادة إللي المفروض سليمة النوايا وبرضه في لحظه صدق عمر بيعنفها وبيقولنا الحقيقة في وشها انتي نسيتي نفسك انا مهما عملت فيكي هتيجي بكرة تبوسي رجلي ارجع لك 


يقينه انه بتحبه وأنها هتغفرله مهما عمل خلاه يعتبرها اقل منه ويعايرها بحبها وضعفها ليه


الغريب انه السيناريو كشف لأول مرة انه اه في علاقات جنسية خارج نطاق الزواج في مجتمعنا وده صدم البعض وانكروه مع انهم لو قروا شوية في اي صفحة حوادث وقضايا هيكتشفوا حالات اغرب من حالة فريدة 

حالات خيانة في مستويات إجتماعية متباينة جدا ولأسباب كلها تتعلق بخبرات جنسية بيهرب منها المجتمع المتدين بطبعه 🙄 

ترابط القصه ضعيف من حيث الطرح والتفسير بس عاجبني القلم الي نزل طرقع علي وش الناس أنه نماذج فريدة فضلت تكسب وتخرب حياة كل الي حواليها لحد ماماتت و كمان بقت ضحية 


أوقات كتير ستات بتسأل بوجع انا اتسابت ليه مع انها نموذج نور البسيط الهادي المكتمل وعمرها مابتلاقي اجابه  لكن تفضل الحقيقه انه الراجل عاوز فريدة المتحررة المجنونه صاحبة الشهوات المتغيرة وهيفضل كل ممنوع مرغوب 


دلوقتي مبقاش ينفع نقول أنه روقه نموذج مطلوب للاغلبيه لانه مع تغيير المجتمع وانفتاح السوشيال ميديا فريدة بقت نموذج اكتر طلبا 



تسجيل الايميل

شارك وفكر معانا وابعت تدوينتك