ليه "المجتمع المدني" خاين وعميل ؟؟

222

بنسمع كتير كلمة مجتمع مدني، بنسمعها مرتبطة بالخيانة والعمالة والتمويل، او بنسمعها لما يكون في ازمة يتقال فين دور المجتمع المدني، او نسمعها في قاعدة شيك حد من الحكومة عاملها وبيقول اننا شركاء مع المجتمع المدني الي هو خاين وعميل بذمتك مش ده معناه ان اصلا محدش عارف يعني اية مجتمع مدني او الناس بتحصر الاسم ده على المنظمات الحقوقية بس وهنبقى نكلم عنها بعدين.

انما المجتمع المدني في الدنيا كلها مش بس الجمعيات الاهلية والمنظمات الحقوقية الدول كلها قايمة على ثلاثة عواميد القطاع الحكومي يعني الحكومة الي طبعا بتيجي بارادة الناس ودي بتبقى مسؤولة استغفر الله عن خدمات الناس وحمايتهم وتطبيق القانون والقطاع الخاص الي بيهدف للربح في مشروعات تجارية وبيدفع ضرائب مش بيتبرع لصندوق تحيا المكسيك او موزنبيق  وبيطبق الحقوق والواجبات الي عليه بموجب القانون مش بالمحبة

اما المجتمع المدني فلازم يتوفر فيه شوية حاجات

أولا:مبادرات فردية يعني مفيش مجتمع مدني يتعمل بالاوامر وناس الي تعملها مش مؤسسات حكومية

ثانيا: يكون مستقل عن القطاعيين التانيين الحكومي والخاص عشان الاول لا يتدخل في عمله يعني مينفعش يبقى فيه مدام سميحة واستاذ اشرف بتوع الشؤون والصول سميح بتاع الداخلية والمستشار محسن بتاع الثقافة يقول للناس الي بتشتغل اعمل ومتعملش ويدخل في ادارته ويحل مجالس ادارته الي مختارة من الناس، ده ميبقاش مجتمع مدني لانه مش مستقل عن التدخل الحكومي ولا ينفع القطاع الخاص يستغله ويهدف لربح كده ميبقاش مجتمع مدني

ثالثا: ان يكون فيه قوانين تساعده وتسمح له بحرية ان يتكون ويتشكل والناس الى عملته تديره ويدي سلطة حقيقية لجمعياته العمومية الى كونته انها تطلعه على فلوسها وادراتها وتقدر تحاسب الي بيدير المنظمات وطبعا في حجة هما بتوع المجتمع المدني مش عايزين حد يراقبهم لا طبعا في قانون لازم يسمح للناس كلها الاطلاع على سجلات واوراق ومحاضر اى منظمة مدنية بس دة في مجتمع فيه اصلا حرية تداول معلومات وكمان في جهات تحقيق محايدة ومستقله لاى حد يروح يشتكي ويشكك في ذمة الناس المالية ونواياهم يبقى في تعريف المجتمع المدني هنا ينطبق علي اى محاولة فردية او منظمات مدنية لا تهدف لربح ولا تنشر العنف وطبعا عايزة تنمي مجتمعها واى ناس لها مصالح مشتركه مع بعض تدافع عنها

ينطبق التعريف على (الجمعيات الاهلية _المنظمات التنموية _النقابات) وطبعا مفيش في العالم غيرعندنا بس منظمات ونقابات عمالية هو في نقابات بس المنظمات خيرية ودينية بس وفية ناس بتعتبر الاحزاب من المجتمع المدني بس الي مش في السلطة ده في البلاد استغفر الله العظيم وحشة وفيها انتخابات الاحزاب بتحكم فيها وفي ناس مش بتحسب الاحزاب من المجتمع المدني وهو خلاف مش محسوم بس الاغلب انها لا تحسب من المجتمع المدني

في مصر علشان تشتغل في المجال العام في ثلاثة اشكال بس وياريت بتتساب فى حالها

الاحزاب والنقابات والجمعيات الاهلية غيرهم مفيش اعتراف بيهم، روابط اتحادات شركات لا تهدف لربح ونحاول المرات الجاية نعرفهم مع بعض الحاجات دي


تسجيل الايميل

شارك وفكر معانا وابعت تدوينتك