شوال الرز ٢

429

عدى يومين على وصلة الفضايح اللي أطلقها "شوال الرز" طبقًا للمسمى اللي اختاره "تركي آل شيخ" لنفسه، وهو بيوصف شعوره من خلال تعامل إدارة الخطيب معاه كممول لكل شيء من أول حملة الخطيب الانتخابية لغاية مكافئة النجمة الرابعة لعمال أوضة اللبس اللي للأسف أعلن النهاردة إنه اكتشف إنها موصلتش لأصحابها وده اتهام مباشر لمحمد الخطيب ومجلسه بالسرقة.

أظن الخطيب أخيرًا شعر بالإهانة، وقرر يدخل وزير الرياضة وطالب بلجنة مالية لبحث "أوجه صرف تركي آل شيخ"، دي طبعًا خطوة جيدة للأهلاوية على الأقل تحفظ شئ من الكرامة لناديهم واللي أهدرها أسطورتهم: "بيبو"، وأظن الخطيب سيستقيل بعد أن تُبرئ اللجنة المزمع تشكيلها ذمته من أي اختلاس، ويبقى ما أدعاه تركي بتمويله لحملة بيبو الانتخابية ب ٦ مليون جنيه! 

يبقى لنا كمصريين أن نبحث إزاي سنرد هذه الإهانة اللي طالتنا كلنا، أحد الخطوات دي اللي أعلنه أبو تريكة النهاردة عن دعوته لفتح حساب في البنك مخصص لسداد ما دفعه آل شيخ للأهلي، لرده فالأهلي أكبر من أي متبرع ومينفعش واحد يتبرع لنادي بيحبه ويطلع يفضحه على الملأ بهذا الشكل المهين.

طبعًا تريكة اهلاوي ليه شعبيته وكمان عنده حس سياسي عالي جدا، اللقطة هنا مش بس اهتمامه بسمعة ناديه وبلده، وهو مضطر يخرج برا بلده لخلاف سياسي، وكمان وضعه على قوائم المتحفظ على أموالهم وبرغم ده يظهر الوطني الخلوق المحب لبلده ولناديه. 

ثانيًا: اإنه يعلن عن تنازله عن مستحقاته لدى الأهلي اللي أصلًا الأهلي مش معترف بيها، وإلا كان إدهاله، وحتي لو افترضنا أنه إدهاله، فمش من حق أبوتريكه أنه يتصرف في أي جنيه، بسبب منعه من التصرف في أمواله وأكيد تريكه عارف ده بس بيلعب على الأهلي وعلى اللي مانعينه من التصرف في أمواله، بصراحة لعبة حلوة أوي منه فيها مكره المعتاد في الملعب وعليها شويه سياسة اكتسبها من الكام سنة اللي فاتوا على شوية مزايدة ع الخطيب ومزايدة على النظام وفي الآخر مش هيدفع جنيه من جيبه .. برنس والله.

طبعًا هو لو كانت النية خير أوي كان بعت ال٤ تويتات اللي أعلن فيها تبرعه، في رسالة على موبايل الخطيب بس هنقول إيه بس في السهونات دول ؟

الخطيب في موقف زبالة... بس الخروج بأقل الخساير أفضل من الصمت المهين ده 

وكفاية مهانة أن الأهلي اللي عمره أكبر من دولة شوال الرز يبقى في مرمى تهكماته اليومية.

تسجيل الايميل

شارك وفكر معانا وابعت تدوينتك