مغامرات انستجرام .. تهدد لاعبي المنتخب بالاستبعاد

533


نشرت إحدى مستخدمات موقع التواصل الاجتماعي “انستجرام” وتدعى “ميرهان” وتعمل موديل للعديد من البراندات العالمية، فيديو بخاصية ستوري على انستجرام توضح من خلاله أنها تعرضت لتحرش من بعض لاعبي منتخب مصر بينهم عمرو وردة على حسابها الشخصي.



وقالت “استنوا عليا شوية النهاردة بس افضى وانزلكم حاجة هتسليكم جدا وهتحزنكم وتقرفكم برضو جدا بس ده الواقع اللي لازم نفهمه”، “والله يا جماعة أول امبارح ده كان يوم حافل، أول ما نزلت “ستوري” جديدة فجأة الناس دي ظهرت عندي”.


وظهر في الفيديو حسابات عمرو وردة وأيمن أشرف وأحمد حسن كوكا ومحمود حمدي الونش، لاعبي منتخب مصر،  وأن اللاعب عمرو وردة دخل لها على الخاص وكتب “بوكسينج ها ها ها ” تعليقًا على البوست الخاص بها”، فيما علق اللاعب محمود حمدي الونش على البوست الخاص بها برسالة تحمل علامة الإعجاب يصحبها علامة قلب على الشات بينهما”. 


وتابعت: “ولحد كده كان عادي مفيش مشكلة، لكن واحد من الأساتذة يبعت يقولي أنا هعرف أجيب رقمك وانتى متعرفيش أنا مين وأنا محدش يطنشني دي بقى مش مظبوط. للأسف عندنا في مصر لما بيحبوا حد في مصر لما بيحبوا حد بيطلعوه السما كأنه بطل، والواقع غير كده خالص، احنا في مصر لو انتى بنت يبقى الغلط عليكي تلقائي بس احنا هنا مش في مصر، يا ريت الأساتذة يركزوا عالبطولة اللي الراجل الغلبان عندنا في مصر بيستلف ثمن الشاي عشان ينزل يتفرج عليكوا ده ما يجيلوش غلطة، والأستاذ اللي بيقولي انتي مش عارفة أنا مين؟ لا معرفش.. بس عرفت بقى لما سألت وعرفت إن ليك سوابق في المواضيع دي والكل عارفها”.


ومن ثم بدات تحقيقات أجراها جهاز المنتخب وأحمد شوبير نائب رئيس اتحاد الكرة، ليضطر وردة، لإغلاق حسابه على إنستجرام بعد هجوم عدد كبير من الجماهير عليه بعد واقعة اتهام الموديل له بالتحرش بها.


ويقعد الجهاز الفني اجتماع بقيادة المدير الفني اجيري وسيتم إجراء تحقيق عاجل اليوم بين اللاعبين للاستفسار عن حقيقة الاتهامات التي وجهتها عارضة الازياء لعمرو وردة وعدد آخر من اللاعبين .كما صدر قرار بمنع اصحاب الموبايلات اثناء التدريب.



في حين شارك عدد من الفنانين ونجوم المنتخب من بينهم أميرطعيمة، والذي كتب  على صفحته الشخصية الفيسبوك: لما تشوف بروفايل البنت عارضة الأزياء و هي حرة علي فكرة، و تصدق ان جرح مشاعرها قوي ان لاعب بعتلها boxing و التاني حط قلب يبقي انت مندفع و غير واقعي، طب خليني معاك هل جرحها كمان ان لاعب فتح الاستوري بتاعها فقط من غير ما يعلق عشان تزقه معاهم و تشهر بيه، و لا المفروض تفهم ام هي فرحانة باللي حصل و شافتها فرصة تلم كام لايك


هل انت متخيل انها كانت حزينة علي المنتخب و علي انشغال اللاعبين عن البطولة و هي بتعمل الاسكرين شوت و بتنزله و الدمعة علي خدها من الجرح النفسي الرهيب اللي حصلها، اما عمرو وردة بالذات فتصرفك تصرف مراهقين و لا يليق بلاعب دولي و هتشيل الليلة لو حصل أي تعثر للمنتخب لا قدر الله، و غير كل ده بصراحة ذوقك وحش.


في حين نشر لاعب النادي الأهلي السابق ‏ساليف كوليبالي و مدافع نادي الرجاء المغربي سكرين شوت للفتاة التي اتهمت لاعبي المنتخب الوطني بالتحرش وارسلت له في وقت سابق عددة رسايل عبر موقع الصور الشهير” إنستجرام ، “اهلا كيف حالك ,انت انسان مميز ,اتمنا انا يكون رجل مثلك ”




ويستعد منتخب مصر لمواجهة الكونغو الديمقراطية يوم الأربعاء المقبل في الجولة الثانية من المجموعة الأولى لبطولة كأس أمم إفريقيا 2019

تسجيل الايميل

شارك وفكر معانا وابعت تدوينتك