ببساطة .. يعني إيه تنمر وإيه علاماته؟

362


يعني إيه تنمر؟ التنمر هو إيقاع الأذى البدني أو الابتزاز أو الاعتداء بالضرب، دا كلنا صادفناه أو تعرضنا له، وهو ظاهرة بتنتشر  بين الأطفال والمراهقين.

بيعاني  10 لـ 15% من أطفال العالم للتنمر، وهي النسبة اللي استجاب لها المجلس القومي للطفولة والأمومة المصري، في شكل إنه أطلق حملة : "أنا ضد التنمر" بالتعاون مع منظمة اليونيسيف وبتمويل الاتحاد الأوربي. 


10%- 15% من أطفال العالم للتنمر، والتنمر ممكن ميكنش  وجهًا لوجه، ممكن يكون إلكتروني كمان، زي الرسائل الإلكترونية، سواء بقى ع الموبايل أو ع الانترنت، واللي فيها عداء أو تهديد أو معايرة ومتعمدة.


طيب نعمل إيه مع اللي بيتعرضوا للتنمر؟

  الحملة نفسها طلعت توصيات أهمها المناقشة مع الأطفال والمراهقين، لا للتجاهل ولازم نطمنهم، وتفعيل أنظمة الدعم بين الطلبة، وكمان نعرف الأطفال يعني إيه تنمر، وإزاي نواجهه.


طيب إيه أشكال التنمر؟

التنمر فيه منه لفظي ودا عبارة عن سخرية واستفزاز وتعليقات غير لائقة، تنمر جسدي، ودا بيشمل ضرب وعنف وصفع وطعن، وتنمر عاطفي ودا بيتمثل في الإحراج الدائم للشخص ونشر الشائعات حواليه.

وفيه تنمر مباشر وتنمر غير مباشر، التنمر المباشر دا اللي هو الضرب وشد الشعر والعض، والتنمر غير المباشر دا تهديد مثلا أو إطلاق الشائعات، انتقاد الملبس،  تهديد اللي بيختلطوا مع الشخص دا..


ليه شخص ممكن يكون متنمر؟

لكذا سبب، أولهم: اضطراب الشخصية ونقص تقدير الذات، العدوانية، وكمان الاكتئاب والأمراض النفسية.

إيه نتايج التنمر؟

المشاكل النفسية والعاطفية والسلوكية على المدى الطويل كالاكتئاب والشعور بالوحدة والانطوائية والقلق، يلجأ الفرد للسلوك العدواني نتيجة للتنمر، فقد يتحول هو نفسه مع الوقت إلى متنمر أو إلى إنسان عنيف، انسحاب الفرد من الأنشطة الاجتماعية الحاصلة في العائلة أو المدرسة، حتى يصبح إنساناً صامتاً ومنعزلاً.


يوصل التنمر الضحية إلى الانتحار، حيث أثبتت الدراسات أن ضحايا الانتحار بسبب التنمر في ازدياد مستمر وخاصة بعد دخول التنمر الإلكتروني إلى الصورة، من آثار التنمر قلة النوم أو النوم بكثرة، كما يعاني من يتعرض للتنمر إلى الصداع وآلام المعدة وحالات من الخوف والذعر.




 



 





تسجيل الايميل

شارك وفكر معانا وابعت تدوينتك